„Talað um kurr í Stjörnunni,“ sagði Ríkharð Óskar Guðnason stjórnandi Þungavigtarinnar í þætti gærkvöldsins. Þar var því hent fram að það væri ólga í Garðabæ.
Ástæðan er sögð vera sú að ungir leikmenn fengu færri tækifæri en vonir stóðu til um í sumar. Sex leikmenn yfir þrítugt byrjuðu síðasta leik liðsins á tímabilinu.
Stjarnan hefur búið til marga efnilega leikmenn síðustu ár en þeir voru í minni hlutverkum í sumar en vonir stóðu til um.
„Það er eitthvað vesen, það eru menn að fara út en eini sem hefur farið fyrir alvöru pening er Eggert Aron. Í síðasta leik tímabilsins er Guðmundur Kristjánsson settur á vinstri kantinn, fjórir kantmenn á bekk eða ekki utan hóps. Guðmundur er miðvörður þeirra, þetta var kornið sem fyllti pirrings mælirinn,“ sagði Kristján Óli Sigurðsson um stöðu mála.
Kristján segir að ungir leikmenn liðsins fái lítið sem ekkert borgað. „Stjarnan er að borga þessum guttum klink sem eru lykilmenn, þeir vilja fá smá.“
Mikael Nikulásson tók þá til máls og furðaði sig á gangi mála í Garðabæ. „Það er búið að setja Róbert Frosta, hann er kraftmikill og getur lagt upp mark. Hann fór í frystirinn í restina, spilar 2-3 mínútur í leik. Það er ekki séns að hann sé sáttur, væntanlega fleiri. Ótrúlegt að Róbert Frosti í leik gegn FH þar sem sigur var líklega ekki að fara duga, hann veikir ekki liðið þeirra. Hann er á bekknum og Guðmundur Kristjánsson á vinstri kantinum.“
„Haukur Brink er ekki í hóp í síðasta leiknum, ég nenni þessu ekki bullshiti lengur að Stjarnan sé að spila á ungum leikmönnum. Þetta er kjaftæði“
