Stuðningsmenn ÍR eru reiðir, í reynd brjálaðir yfir því að þjálfari liðsins Árni Freyr Guðnason hafi ákveðið að hoppa frá borði til að taka við Fylki.
Fylkir staðfesti ráðningu á Árna í gær en aðeins eru örfáar vikur síðan Árni skrifaði undir nýjan samning við ÍR.
ÍR og Fylkir leika í Lengjudeildinni næsta sumar en Fylkir er fallið úr Bestu deildinni þegar tvær umferðir eru eftir.
Stuðningsmenn ÍR hafa frá því í gærkvöldi lesið yfir Árna á samfélagsmiðlum, einn þeirra virðist vilja taka í hann ef marka má myndband sem birt er með.
“Árni Guðna” pic.twitter.com/mHjknCv9Rz
— Nigel Quashie Enjoyer (@quashie_man) October 17, 2024
Árni sem er 38 ára gamall hefur undanfarin ár verið þjálfari meistaraflokks karla hjá ÍR og náð þar mjög eftirtektarverðum árangri. Haustið 2023 ávann ÍR sér keppnisrétt í Lengjudeildinni.
Enginn veit hvað átt hefur fyrr en misst hefur.
— Sölvi Haralds (@Breiiiiiiiiiii) October 16, 2024
ÍR liðið endaði í fimmta sæti Lengjudeildarinnar núna í sumar og ávann sér rétt til þátttöku í úrslitakeppni um laust sæti í Bestu deildinni þar sem liðið féll úr leik fyrir liði Keflavíkur. Áður en Árni tók að sér þjálfun hjá ÍR hafði hann um árabil verið yfirþjálfari yngri flokka hjá uppeldisfélagi sínu, FH.
Pældu í því að vera eitt stærsta legend í sögu felagsins og kasta því frá sér til að fara í fokking Fylki.
— Kjartan Leifur🇮🇸🇮🇸🇮🇸 (@Kjartanleifurs) October 16, 2024
From Hero to zero.
— GhettoHooligans (@HooligansGhetto) October 16, 2024
Árni er spenntur fyrir því að taka til starfa. „Það er mikill heiður fyrir mig að snúa aftur til Fylkis og að fá nú tækifæri til að þjálfa Fylkisliðið. Mitt mat er að það sé mjög mikið spunnið í liðið og með vinnusemi og metnað að leiðarljósi er ég sannfærður um að við munum skila góðri frammistöðu í framtíðinni. Hér í Árbænum eru aðstæður til fyrirmyndar og ég hlakka til að hefja störf fyrir Fylki,“ sagði Árni eftir ráðningu.
Vel pirraður út í ÍR að selja Árna Guðna sem er nýbúin að gera samning! Líka pirraður út í Fylki sem eru að reyna að setja eitthvað íslandsmet í þjálfaraskiptum! Pirraður út í Árna líka!! hefði skilið Bestu deildar lið en ekki Fylki sem er ekki að fara upp á næsta ári! lélegt!
— Bomban (@BombaGunni) October 16, 2024
