Joao Palhinha er ekki að eiga sínar bestu vikur í dag en hann gekk í raðir Bayern Munchen í sumarglugganum.
Palhinha kom til Bayern frá Fulham en fær ekki mikið að spila undir stjórn Vincent Kompany í Þýskalandi.
Bayern borgaði um 50 milljónir punda fyrir portúgalska landsliðsmanninn sem er giftur Patricia Palhares.
Nú er greint frá því að Palhinha sé að skilja við eiginkonu sína Patricia en hún á von á þeirra seinna barni.
Þessar fréttir koma gríðarlega á óvart en Patricia hefur eytt öllum myndum af Palhinha á samskiptamiðlum sínum.
Þau hafa verið gift síðan 2021 en samkvæmt portúgalska miðlinum Noite das Estrelas var ekki um framhjáhald að ræða.
Joao Maria er dóttir hjónanna og fæddist í október 2022 en þau eiga von á sínu seinna barni á næsta ári.
Eins og áður sagði koma fréttirnar mjög á óvart en þau voru talin vera í hamingjusömu sambandi en flutningar í sumar hafa mögulega haft slæm áhrif.
