Hermann Hreiðarsson þjálfari ÍBV síðstaliðin 3 ár hefur ákveðið að láta af þjálfun hjá félaginu. Frá þessu er sagt á vef félagsins.

„Stjórn knattspyrnudeildar hefur átt gott samstarf með Hermanni undanfarin ár og var eindreginn vilji stjórnarinnar að halda því samstarfi áfram,“ segir í tilkynningu ÍBV.

Hermann er að flytja til Reykjavíkur ásamt fjölskyldu sinni. „Breytingar eru hins vegar að verða á búsetu Hermanns og hans fjölskyldu og því hans mat að hann hafi ekki tök á að halda áfram sem þjálfari liðsins,“ segir í tilkynningu ÍBV.

Hermann stýrði ÍBV upp í Bestu deild karla í sumar en nú er ljóst að félagið þarf að finna sér nýjan þjálfara.