KR hefur í sumar í Bestu deildinni leikið undir stjórn þriggja þjálfara, Gregg Ryder hóf tímabilið með KR og stýrði liðinu í tíu fyrstu leikjum tímabilsins.
Ryder var rekinn eftir tap gegn ÍA en KR var þá með 11 stig og fjórum stigum frá fallsæti.
Eftir Ryder var röðin komin að Pálma Rafni Pálmasyni sem tók við tímabundið til að byrja með en átti svo að klára tímabilið.
Undir stjórn Pálma lék KR sjö leiki og sótti í þeim sjö leikjum sjö stig. Pálmi steig svo til hliðar þegar Óskar Hrafn Þorvaldsson tók við KR í byrjun ágúst.
Undir stjórn Óskars hefur KR leikið sex leiki og náð í fjögur stig í þeim leikjum, KR er þremur stigum fyrir ofan fallsæti.
Gregg Ryder – 10 leikir
3 sigrar
2 jafntefli
5 töp
1,1 stig að meðaltali í leik
Pálmi Rafn Pálmason – 7 Leikir
1 sigur
4 jafntefli
2 töp
1 stig að meðaltali í leik
Óskar Hrafn Þorvaldsson – 6 leikir
1 sigur
1 jafntefli
4 töp
0,66 stig að meðaltali í leik
