Aron Einar Gunnarsson hefur samið við lið í úrvalsdeildinni í Katar en Fótbolti.net sagði frá þessu í dag.

Ekki kemur fram á Fótbolta.net um hvaða lið er að ræða en samkvæmt heimildum 433.is er um að ræða Al-Gharafa.

Al-Gharafa leikur í Meistaradeild Asíu en Aron kemur til liðsins frá Þór þar sem hann hafði komið sér í gang eftir meiðsli.

Aron lék áður í mörg ár í Katar þar sem hann lék með Al-Arabi en hefur nú samið við Al-Gharafa sem er eitt af sterkari liðum deildarinnar.

Joselu fyrrum framherji Real Madrid er ein af stjörnum liðsins en þjálfari liðsins er Pedro Martins fyrrum þjálfari Olympiakos.

Aron kom heim í Þór í ágúst og lék síðustu leiki tímabilsins en heldur nú aftur til Katar.

Búist er svo við að Aron Einar komi aftur heim í Þór fyrir næsta tímabil og taki slaginn þá aftur með uppeldisfélaginu sínu.