Nýjasta treyja Manchester City er með einn stóran galla að sögn varnarmannsins Manuel Akanji sem spilaði gegn Inter Milan í vikunni.
City gerði markalaust jafntefli við Inter en lék í svokallaðri ‘Oasis’ treyju í fyrsta sinn – það var vegna 30 ára afmæli hljómsveitarinnar Oasis. Liam og Noel Gallagher eru meðlimir Oasis sem undirbýr endurkomu á næsta ári og eru harðir stuðningsmenn Englandsmeistarana.
Akanji hefur ekki út á mikið að setja en viðurkennir að treyjan hafi verið lík treyju línuvarða leiksins og í eitt skipti gaf hann boltann á dómara frekar en á samherja vegna þess.
,,Ég er hrifinn af treyjunni og ég hafði séð hana áður þegar við fórum í myndatöku fyrir Puma,“ sagði Akanji.
,,Það var þó eitt vandamál sem kom upp, treyjan var lík treyju dómarans á hliðarlínunni. Ég hélt að línuvörðurinn væri Bernardo Silva svo ég gaf á hann!“
,,Fyrir utan það þá er ég hrifinn af treyjunni og það verður gaman að spila í henni aftur.“
