Richard Dunne fyrrum varnarmaður Manchester City og goðsögn hjá félaginu segir engan í herbúðum félagsins hafa áhyggjur af dómsmálinu sem nú er í gangi.

Enska úrvalsdeildin hefur ákært City í 115 liðum og er málið nú tekið fyrir hjá óháðri nefnd.

„Það er enginn sem hefur áhyggjur, fólk ræðir þetta varla á svæðinu,“ segir Dunne um stöðu mála.

„Stuðningsmenn hafa ekki áhyggjur, þetta hefur verið svo lengi og mikil læt í kringum þetta.“

Dunne segir alla hjá City örugga á því að félagið hafi ekki brotið neinar reglur. „Þeir hafa alltaf haldið fram sakleysi sínu, þetta hefur engin áhrif innan vallar.“

„Félagið telur sig hafa gert alla réttu hlutina, Pep Guardiola hefur alltaf fengið þau skilaboð að það sé ekkert að óttast.“