„Það er mjög gaman, mjög sáttur með þessi skipti,“ segir Jón Dagur Þorsteinsson landsliðsmaður Íslands í knattspyrnu sem samdi á dögunum við Hertha Berlin í Þýskalandi.

Jón Dagur hafði síðustu ár sem spilað Leuven í Belgíu en fannst tímabært að skipta um umhverfi.

„Þetta tók aðeins of langan tíma fyrir menn smekk. Mér fannst kominn tími á að prufa eitthvað annað en Belgíu, mér fannst ég ekki geta gert meira þarna. Þetta var ekki spurning þegar Hertha Berlin kom.“

Berlín er ein skemmtilegasta borg í Evrópu og er Jón Dagur spenntur fyrir því. „Það er fínt að komast í aðeins stærri bæ.“

Hann fyllist stolti að mæta í landsliðið sem leikur gegn Svartfjallalandi á föstudag. „Mér finnst þetta alltaf jafn gaman, það er alltaf heiður að koma saman,“ segir Jón Dagur fyrir leikinn á Laugardalsvelli.

Hann stefnir á það eins og allir að negla sér stöðu í byrjunarliðinu. „Maður reynir það, það eru góðir leikmenn. Mig langar að spila alla leiki.“