Jose Sa, markvörður Wolves, gæti verið á förum frá félaginu á næstu dögum en hann er ekki lengur aðalmarkvörður liðsins.
Sa hefur þótt standa sig nokkuð vel undanfarin þrjú árt og spilaði 40 leiki í öllum keppnum á síðustu leiktíð.
Wolves fékk hins vegar Sam Johnstone í sínar raðir í sumarglugganum og er útlit fyrir að hann verði númer eitt í vetur.
Samkvæmt enskum miðlum eru lið í Sádi Arabíu að skoða það að fá Portúgalann sem er 31 árs gamall.
Glugginn í Sádi lokar á morgun og gætu skiptin gengið í gegn á næstu klukkutímum.
