Gareth Southgate, sem hætti sem þjálfari enska landsliðsins eftir EM í sumar, er kominn í starf hjá UEFA.
Southgate mun starfa við það að fara á leiki fyrir hönd UEFA til að sjá þá frá sjónarhorni þjálfara og koma til baka með skýrslur. Eiga þær, ásamt klippum og tölfræði, að hjálpa til við að koma auga á nýjar áherslur (e. trends) í fótboltanum og í kjölfarið nýtast í þjálfaramenntun.
David Moyes, sem hætti hjá West Ham í sumar, hefur einnig tekið að sér svipað starf.
Southgate kom enska landsliðinu í úrslitaleik EM annað mótið í röð í sumar en eins og þremur árum fyrr varð niðurstaðan tap.
Gareth Southgate will be a @UEFA technical observer at games this season. As will David Moyes.
— Henry Winter (@henrywinter) August 22, 2024
