Kieran Trippier mun líklega ekki spila með Newcastle í ensku úrvalsdeildinni í vetur en hann er fyrirliði liðsins.
Enski landsliðsmaðurinn er á óskalista liða í Sádi Arabíu og samkvæmt Northern Echo er Newcastle sterklega að íhuga að selja.
Trippier á aðeins eitt ár eftir af samningi sínum við enska félagið og gæti annars farið frítt næsta sumar.
Newcastle mun líklega treysta á Tino Livramento í vetur en hann er 21 árs gamall og lék áður með Southampton og Chelsea.
Trippier er orðinn 33 ára gamall og var ekki upp á sitt besta fyrir félagið á síðustu leiktíð.
