Alexander Rafn Pálmason var valinn í leikmannahóp KR í kvöld en um er að ræða efnilegan leikmann.
Það kom mörgum á óvart að sjá Alexander í hópnum en hann er 14 ára gamall og er sonur Pálma Rafns Pálmasonar, þjálfara KR.
Pálmi er nýlega tekinn við KR en hann tók við keflinu af Gregg Ryder sem náði ekki ásættanlegum árangri í sumar.
Þegar þetta er skrifað er KR að tapa leiknum 3-1 en búið er að flauta til hálfleiks.
Alexander gæti orðið yngsti leikmaður í sögu KR í efstu deild ef hann tekur þátt í kvöld.
