Scott McTominay er mættur til Ibiza eftir að hafa orðið enskur bikarmeistari um helgina með Manchester United. Meiðsli virðast vera að hrjá hann.
Skotinn var í byrjunarliði United sem vann Manchester City óvænt 2-0 í úrslitaleiknum á laugardag. Undir lok leiks haltraði hann hins vegar af velli.
Í myndbandi sem birtist á samfélagsmiðlum virðist hann enn kenna sér meins en þar sést hann sýna United goðsögninni Michael Carrick hvar honum er illt.
Skoskir knattspyrnuaðdáendur eru mjög áhyggjufullir, enda stutt í EM og McTominay algjör lykilmaður.
EM hefst 14. júní og spila Skotar opnunarleikinn gegn gestgjöfum Þýskalands þann dag. Þeir eru einnig í riðli með Sviss og Ungverjalandi.
Hér að neðan má sjá myndbandið af McTominay sem um ræðir.
Prófaðu að endurhlaða síðuna ef þú sérð ekki færsluna hér að neðan
View this post on Instagram
