Dani Alves vonast til að snúa aftur í starf innan knattspyrnunnar einn daginn.

Alves losnaði úr fangelsi á dögunum, nokkrum vikum eftir að hann var dæmdur í fjögurra og hálfs árs fangelsi fyrir naugðun. Talið er að brasilískt fjölmiðlafyrirtæki hafi borgað hann út. Eina milljón evra þurfti til og fyrrum knattspyrnumaðurinn gat ekki borgað það sjálfur það sem eigur hans hafa verið frystar. Fjölmiðlafyrirtækið borgaði því og vill þess í stað fyrsta viðtalið við Alves um málið.

Alves var dæmdur fyrir að nauðga konu á skemmtistað undir lok árs 2022. Hann hafði setið í fangelsi síðan, áður en hann losnaði á dögunum. Hann tekur rest dómsins út heima hjá sér í Barcelona að öllu breyttu og þarf að mæta fyrir dómara einu sinni í viku til að sýna fram á að hann sé í borginni.

Í kjölfar áfrýjunnar vonast Alves hins vegar til að vera sýknaður. Vill hann bæta almannaálit á sér á ný. Spænska blaðið El Pais segir frá þessu og að Alves vilji jafnframt snúa aftur í fótboltann ef hann verður sýknaður.

Hann ætlar sér þó ekki að spila á ný heldur taka að sér annað starf innan geirans.