Daniel Alves hefur tekist að safna saman 1 milljón evra til að losna úr fangelsi í dag, hann mun ganga laus gegn tryggingu næstu mánuði og ár.

Alves fékk að vita það á fimmtudag að hann gæti losnað úr fangelsi og hefur verið að safna peningum til að losna úr, hann segist vera blankur þessa dagana.

Faðir Neymar blandaðist inn í málið en talið var að hann myndi bjarga Alves en hann ákvað að bakka út, hann hefur nú náð að safna fyrir þessu.

Alves á glæstilegt hús fyrir utan Barcelona og mun búa þar. Alves var fyrir mánuði dæmdur í fjögurra og hálfs árs fangelsi fyrir nauðgun.

Alves hefur setið í fangelsi í eitt og hálft ár á meðan málið var í rannsókn og er það dregið frá dómi hans.

Hann þarf að mæta fyrir dómara einnu sinni í viku til að staðfesta að hann sé enn í Barcelona, hann má einnig ekki koma nálægt fórnarlambi sínu.

Dómstólar voru ekki einhuga um þessa ákvörðun en Alves nauðgaði konunni á klósetti á skemmtistað undir lok árs 2022 og hafði síðan þá verið í haldi lögreglu.

Alves er fertugur og á glæstan feril að baki. Hann hefur unnið alla stærstu titlanna í félagsliðaboltanum og leikið með liðum á borð við Barcelona, Juventus og Paris Saint-Germain.

Alves varð elsti leikmaður til að spila fyrir hönd Brasilíu á HM í Katar árið 2022.