Rafael Benitez er gráðugur og yfirgaf Newcastle því hann vildi fá risalaun – þetta sagði fyrrum eigandi félagsins, Mike Ashley.

Benitez kvartaði margoft yfir því að fá ekki pening tilleikmannakaupa en sagði alltaf að félagið, Newcastle, kæmi fyrst og svo allt annað.

Daily Star rifjar upp þessi ummæli Ashley sem hefur nú selt félagið og einbeitir sér að öðrum hlutum en fótbolta.

Ashley ásakaði Benitez um mikla græðgi en stuðningsmenn Newcastle voru margir reiðir á þessum tíma er Spánverjinn hélt til Kína árið 2019.

,,Ef þú horfir á það sem hann sagði þá myndirðu halda að knattspyrnufélagið kæmi fyrst, svo Rafa og svo peningarnir,“ sagði Ashley.

,,Ég myndi segja að þetta hafi snúist um peningana, Rafa og svo félagið. Hann valdi auðveldu leiðina, hann tók peningana og fór til Kína.“

,,Ég er vonsvikinn með þá ákvörðun. Ég hefði skilið það ef hann hefði samið við Real Madrid aftur eða lið í topp sex í ensku úrvalsdeildinni.“

,,Þetta snerist hins vegar allt um peninga og það sem hann þurfti að gera var að segja það frá byrjun.“