Ryan Reynolds eigandi Wrexham og stjarna í Hollywood er sagður í áfalli yfir því að kókaín sé notað í miklu magni á leikjum liðsins.

Þannig var lögreglan að gefa út skýrslu eftir að hafa verið með eftirlit á Racecourse Ground vellinum á síðustu leiktíð.

Þar fannst í þrígang nokkuð mikið magn af kókaíni á klósettum vallarins.

Ástæðan fyrir rannsókn lögreglu var að hún hafði komið að stuðningsmanni Wrexham að taka kókaín á vellinum, var sá aðili settur í þriggja ára bann.

Mikil aukning er sögð vera á notkun kókaíns á knattspyrnuvöllum Bretlands og er það talin vera helsta ástæðan fyrir auknu ofbeldi á völlunum.