Arnór Sigurðsson fékk tækifærið í byrjunarliði Blackburn Rovers í kvöld sem mætti Cardiff í enska deildabikarnum.
Um var að ræða ansi fjörugan leik en Arnór skoraði og kom Blackburn í 2-1 á 36. mínútu fyrri hálfleiks.
Rúnar Alex Rúnarsson er í marki Cardiff en hann hefur fengið á sig fimm mörk þegar um fimm mínútur lifa leiks.
Rúnar bjargaði þó því að Arnór myndi skora tvennu er hann varði vítaspyrnu landa síns á 53. mínútu.
Arnór var ekki lengi inná eftir vítaspyrnuklúðrið og var farinn af velli sjö mínútum síðar.
53′ 🌹 #Rovers 3-2 #CardiffCity 🏴
Sigurdsson’s penalty is saved.#ROVvCAR 🔵⚪
— Blackburn Rovers (@Rovers) September 27, 2023
