KA er þriðja liðið til að komast í undanúrslit Mjólkurbikars karla eftir sigur á Grindavík í 8-liða úrslitum í kvöld.
Lengjudeildarliðið gaf heimamönnum ekkert eftir fyrir norðan í kvöld. KA komst þó yfir skömmu fyrir leikhlé með marki Birgis Baldvinssonar.
Um miðjan seinni hálfleik jafnaði Marko Vardic með svakalegu marki fyrir Grindvíkinga.
Það stefndi í framlengingu en á 87. mínútu leiksins skoraði Jakob Snær Árnason sigurmark KA.
Lokatölur 2-1. KA er því komið í undanúrslit ásamt Breiðabliki og Víkingi R.
Einn leikur er eftir í 8-liða úrslitum. KR tekur á móti Stjörnunni í Vesturbæ nú klukkan 20.
KA 2-1 Grindavík
1-0 Birgir Baldvinsson
1-1 Marko Vardic
2-1 Jakob Snær Árnason
