Eins óvænt og það hljómar þá gæti Belginn Eden Hazard verið á leið til Tottenham frá Real Madrid.
Cadena Ser á Spáni fullyrðir þessar fregnir en Hazard hefur ekkert getað með Real síðan hann kom til félagsins 2019.
Fyrir það lék Hazard frábærlega með Chelsea en meiðsli hafa sett stórt strik í reikninginn á Spáni.
Miðillinn segir að Real hafi verið boðið að fá Harry Kane í sumar og myndi Hazard þá ganga í raðir Tottenham á sama tíma.
Real þyrfti augljóslega að borga með félagaskiptunum en Kane er markahæsti leikmaður í sögu Tottenham og er fyrirliði Englands.
Greint er frá því að Tottenham hafi boðið Real að fá Kane en spænska félagið hefur enn ekki gefið þeim ensku svar.
