Sky Sports í Bretlandi heldur því fram að Manchester United vilji í draumaheimi tryggja sér þrjá enska landsliðsmenn í sumar. Sky segir Harry Kane efstan á óskalistanum.
Kane er besti leikmaður Tottenham en hann á aðeins ár eftir af samningi sínum og ekkert heyrist um viðræður.
Möguleiki er fyrir hendi að Tottenham selji Kane í sumar af ótta við það að hann fari frítt eftir ár.
Eins og fjallað hefur verið um vill Mason Mount miðjumaður Cheslea fara til United en viðræður hans við félagið sitt um nýjan samning hafa ekki fengið.
Mount líkt og Kane á bara ár eftir af samningi en talið er að United sé tilbúið að borga rúmar 50 milljónir punda fyrir Mount.
Þá segir Sky Sports að United vilji einnig fá Declan Rice miðjumann West Ham sem er til sölu fyrir um 100 milljónir punda í sumar. Rice og Mount eru bestu vinir en þeir ólust upp saman hjá Chelsea. Arsenal er á eftir Rice og er enn talið líklegasta liðið til að klófesta hann.
Ólíklegt verður að teljast að United takist að krækja í þessa þrjá leikmenn sem kosta saman yfir 200 milljónir punda.
Enski boltinn á 433 er í boði 
