Gary Neville hefur í fyrsta sinn tjáð sig um það þegar sambandi hans við Hannah Thornley lauk árið 2000, það hafði mikil áhrif á fótboltaferil hans.

Frammistaða Neville eftir að ástarsambandinu lauk var slök, hann taldi þetta var ástina í lífi sínu og ætlaði að giftast henni.

Hann kynntist Emma Hadfield nokkrum árum síðar og giftist henni árið 2007 og eru þau enn saman í dag.

„Ég hafði verið með henni í fimm eða sex ár, sambandið fór í vaskinn og ég fór í algjört þrot,“ segir Neville í The Daily Ketchup hlaðvarpinu.

„Við vorum trúlofuð og ég ætlaði að giftast henni. Ég hélt að við yrðum alltaf saman og svo bara tók þetta enda og það átti ekki að gerast.Ð

„Þegar ég horfi til baka er þetta það besta sem gerðist fyrir mig.“

Hannah hafði farið í ferðalag um Evrópu og þá fór allt í skrúfuna. „Hún fór í starfsnám í Frakklandi og Þýskalandi, það gekk allt vel á meðan hún var í Þýskalandi en svo fór hún til Frakklands í sex mánuði. Hún hitti þar aðila sem hún varð náin og kom heim og sleit sambandi okkar.“

„Við hittumst nokkrum sinnum eftir þetta og ræddum málin en traustið var farið. Þú ert að fá mig til að ræða hluti sem ég hef aldrei talað um áður,“ sagði Neville svo.