Lionel Messi einn besti leikmaður sögunnar hætti að fylgja Alejandro Garnacho samherja sínum í landsliðinu á Instagram. Ástæðan er sú að Garnacho elskar Cristiano Ronaldo.
Garnacho lítur mikið upp til Ronaldo en þeir léku saman hjá Manchester United, það fer eitthvað í taugarnar á Messi.
Messi var að fylgja Garnacho á Instagram en er hættur því, ungi drengurinn fagnar iðulega eins og Ronaldo hefur gert á ferli sínum.
„Það sem ég elska við Garnacho er að honum er drullusama,“ segir Rio Ferdinand sem spjallaði við kauða á dögunum.
„Garnacho sagði mér að Messi hefði hætt að fylgja sér því að hann hefur meira álit á Ronaldo. Hann kemur bara og segist vera alveg sama, hann segist vera Ronaldo maður.“
„Hann mætir í verkefni landsliðsins og talar um Ronaldo sem geitina.“
