Jamie Carragher fyrrum leikmaður Liverpool fer ekki fögrum orðum um Erik ten Hag í pistli sínum hjá Telegraph í dag.
Carragher segir Ten Hag í vanda því hugmyndafræðin sé svo gott sem engin og leikmannakaup hans ekki góð.
„Hugmyndin hlýtur að hafa verið að spila hollenskan fótbolta þar sem haldið er í boltann, hver var annars tilgangurinn með að fá hann?,“ segir Carragher.
„Það var enginn að búast við því að United myndi vinna deildina á einu eða tveimur árum en frekar að það væri hægt að sjá leikstíl og hugmyndafræði sem var ekki hjá Ole Gunnar Solskjær og Jose Mourinho.“
„Það er ekki að sjá, leikplanið virðist vera nákvæmlega eins.“
Carragher segir að Ten Hag hafi ekki margar afsakanir eftir að hafa eytt 400 milljónum punda í þá leikmenn sem hann vildi fá.
Hann segir Ten Hag hafa alltaf mikil völdn hjá félaginu þegar kemur að kaupum á leikmönnum.
