Scott McTominay átti ótrúlegan leik í gær er Manchester United vann 2-1 heimasigur á Brentford.
Um var að ræða leik í ensku úrvalsdeildinni en staðan var lengi 1-0 fyrir gestunum í Brighton.
McTominay kom inná sem varamaður undir lok leiks og skoraði tvö mörk í uppbótartíma til að tryggja sigur.
Erik ten Hag, stjóri Man Utd, ræddi við McTominay fyrir innkomuna en Skotinn heyrði ekki nógu vel í þjálfara sínum.
,,Það var svo mikill hávaði á vellinum svo ég heyrði ekki almennilega hvað hann sagði,“ sagði McTominay.
,,Hann sagði örugglega að ég ætti að fara inná og skora, það er það sem ég gerði.“
Ten Hag var svo spurður út í það hvað hann sagði við McTominay fyrir skiptinguna: ,,Ég sagði honum að fara inná og skora tvö mörk,“ er haft eftir Hollendingnum.
