fbpx
Laugardagur 29.nóvember 2025
433Sport

Henry mælti með því að Ten Hag yrði ráðinn til Barcelona – „Hann er snillingur“

Aron Guðmundsson
Miðvikudaginn 25. janúar 2023 17:00

Samsett mynd: GettyImages

Ekki missa af Helstu tíðindum dagsins í pósthólfið þitt

Lesa nánar

Franska knatt­spyrnu­goð­sögnin Thierry Henry, fyrrum leik­maður liða á borð við Arsenal og Barcelona segist hafa mælt með því við Joan Laporta, for­seta Barcelona, að Hollendingurinn Erik ten Hag yrði ráðinn í stöðu knatt­spyrnu­stjóra á sínum tíma.

Frá þessu greindi Henry á CBS Sports í kringum leik Arsenal og Manchester United á dögunum en Laporta fór ekki að ráðum Henry á sínum tíma, Erik ten Hag er nú knatt­spyrnu­stjóri Manchester United.

Ten Hag tók við stjórnar­taumunum á Old Traf­ford fyrir yfir­standandi tíma­bil og hefur verið að gera afar góða hluti hjá fé­laginu. Manchester United er sem stendur í 3. sæti ensku úr­vals­deildarinnar og sjá má mikil bata­merki á spila­mennsku liðsins milli leik­tíða.

Þegar að Ronald Koeman var látinn fara sem knatt­spyrnu­stjóri Barcelona á síðari hluta ársins 2021 segist Henry hafa mælt með Erik ten Hag við Laporta hjá Barcelona.

„Ég er mikill að­dáandi Ten Hag og kann mjög vel við hann,“ sagði Henry á CBS Sports á dögunum. „Hann er þjálfari sem ég mælti með að yrði ráðinn til Barcelona þegar að Koeman var látinn fara. Hann er snillingur.“

Henry hefur hrifist af spila­mennsku Manchester United undir stjórn Ten Hag, líka í leik liðsins gegn Arsenal um síðast­liðna helgi.

„Í þessum leik sáum við lið sem hefur verið í þróun undan­farin þrjú ár (Arsenal) etja kappi við lið sem hefur verið í þróun í sex mánuði. Einnig sáum við lið sem hefur fengið hvíld í sex daga keppa á móti liði sem hefur fengið tvo daga í kvöld sem náði Manchester United að standast þeim snúning. Það kom mér á ó­vart.“

Frakkinn skynjar góða hluti í þróun hjá Manchester United.

„Gefið honum eitt ár í við­bót og al­menni­legan stuðning á fé­lags­skipta­markaðnum og Manchester United verður aftur ráðandi afl. Ég ætla enga van­virðingu í garð Sir Alex Fergu­son en ef Ten Hag kemur hlutunum á réttan stað hjá Manchester United mun liðið spila meira að­laðandi fót­bolta en var raunin undir stjórn Sir Alex Fergu­son.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 21 klukkutímum

Segir farir sínar ekki sléttar eftir fund með yfirmanninum – Kona hans og börn grétu eftir tíðindin

Segir farir sínar ekki sléttar eftir fund með yfirmanninum – Kona hans og börn grétu eftir tíðindin
433Sport
Fyrir 22 klukkutímum

City ætlar að slást við Arsenal og Real Madrid um næstu stjörnu Spánar

City ætlar að slást við Arsenal og Real Madrid um næstu stjörnu Spánar
433Sport
Í gær

Vestri fær landsliðsmann frá Senegal – Skoraði gegn Arsenal fyrir nokkrum árum

Vestri fær landsliðsmann frá Senegal – Skoraði gegn Arsenal fyrir nokkrum árum
433Sport
Í gær

FIFA gæti fengið á sig kærur eftir að Ronaldo fékk sérmeðferð

FIFA gæti fengið á sig kærur eftir að Ronaldo fékk sérmeðferð
433Sport
Í gær

Tóku léttan boxbardaga í gær eftir löðrung mánudagsins – Sjáðu atvikið

Tóku léttan boxbardaga í gær eftir löðrung mánudagsins – Sjáðu atvikið
433Sport
Í gær

Slot svaf illa en ætlar að halda áfram að berjast – Segir frá samtali við þá sem öllu ráða á Anfield

Slot svaf illa en ætlar að halda áfram að berjast – Segir frá samtali við þá sem öllu ráða á Anfield