Paris Saint-Germain býst við því að Real Madrid komi með „móðgandi“ tilboð í Kylian Mbappe á næstunni. RMC Sport segir frá þessu.

Mbappe  hefur átt í stríði við PSG í allt sumar, allt frá því að hann tilkynnti einmitt um það að hann hyggðist ekki virkja klásúlu um að framlengja samning sinn um eitt ár þrátt fyrir að bera engin skylda til að gera það á þeim tímapunkti. Þetta gerði æðstu menn hjá Parísarfélaginu æfa úr reiði.

Núgildandi samningur Mbappe, sem hann skrifaði undir í fyrra, rennur út eftir aðeins ár, að því gefnu að kappinn virki ekki klásúluna.

PSG vill því selja hann í sumar frekar en að missa hann frítt á næsta ári, en það er einmitt það sem Mbappe hefur í hyggju. Telur PSG að hann sé þegar búinn að ná samkomulag við Real Madrid fyrir næsta ár.

PSG býst hins vegar að Real Madrid muni freista þess að fá Mbappe til sín strax í sumar en gerir ráð fyrir að tilboð spænska félagsins verði langt frá því sem það franska óskar eftir.

Á dögunum samþykkti PSG tilboð Al Hilal í Mbappe en hann hefur engan áhuga á að fara þangað. Undanfarið hefur hann þá óvænt verið orðaður við Liverpool.