Granit Xhaka segir að framtíð hans verði komin á hreint fyrir lokaleik tímabilsins hjá Arsenal gegn Wolves á sunndag.
Kappinn er á förum frá Arsenal eftir sjö ár. Að öllum líkindum heldur hann til Bayer Leverkusen.
„Já. Ég tel að stuðningsmenn og ég eigum það skilið,“ segir Xhaka, spurður út í hvort stuðningsmenn fái að vita með framtíð hans fyrir leikinn gegn Wolves.
Xhaka hefur verið stórkostlegur í liði Arsenal, sem lengi vel var á toppi ensku úrvalsdeildarinnar á leiktíðinni.
„Það er vika eftir af tímabilinu í úrvalsdeildinni. Mig langar að njóta þess og það er pottþétt að þið munuð vita um framtíð mína fyrir leikinn.“
Um þrjú ár eru síðan Xhaka fór í stríð við stuðningsmenn Arsenal og fyrirliðabandið var tekið af honum. Nú hefur allt snúist við.
„Hvernig þetta hefur snúist við á síðustu þremur árum. Kannski er þetta í fyrsta sinn í sögunni sem þetta gerist. Ég er stoltur af því og þetta gerir mig glaðan. Þetta er sagan mín, mín vegferð.
Ég er þakklátur fyrir það hvernig stuðningsmenn hafa komið fram við mig eftir þetta. Ég bjóst ekki við því ef ég á að vera hreinskilinn. Vonandi get ég gefið þeim eitthvað til baka í hugsanlega mínum síðasta leik á sunnudag.“
