Það er ljóst að Sadio Mane á ekki framtíðina fyrir sér í treyju Bayern Munchen.

Kappinn var keyptur þangað frá Liverpool síðasta sumar. Langaði hann í nýja áskorun eftir frábær ár í Bítlaborginni.

Það hefur hins vegar lítið gengið upp hjá honum í Bæjaralandi. Þá hafa einnig verið vandræði utan vallar, en hann slóst við Leroy Sane inni í klefa eftir tap gegn Manchester City.

Hinn 31 árs gamli Mane er því líklega á förum frá Bayern strax í sumar þrátt fyrir að eiga þrjú ár eftir af samningi sínum.

Breska götublaðið The Sun segir að fjögur lið í ensku úrvalsdeildinni gæti boðið Mane upp á endurkomu þangað.

Eitt þeirra er Liverpool. Þar þekkir kantmaðurinn vel til og margir stuðningsmenn væru til í að fá hann til baka.

Þá nefnir blaðið Arsenal einnig til sögunnar. Liðið mun gera aðra tilraun til að hampa Englandsmeistaratitlinum eftir að hafa tapað baráttunni um hann gegn Manchester City ár.

Hið nýríka félag Newcastle er þá á leið í Meistaradeild Evrópu og er talið að Mane gæti farið þangað. Hann er heldur betur með reynslu úr keppninni og vann hana 2019.

Loks er Chelsea á blaði. Félagið þarf að styrkja sig í sumar eftir afar erfitt tímabil.