Marcus Rashford framherji Manchester United leigi nú Wes Brown fyrrum varnarmanni félagsins eina af íbúðum sínum og er það á afsláttarkjörum. Brown var á dögunum úrskurðaður gjaldþrota.
Brown er 43 ára gamall og lék fyrir aðallið Manchester United í fimmtán ár á knattspyrnuferli sínum. Varnarmaðurinn var til að mynda hluti af gullaldarliði Sir Alex Ferguson.
Michael Carrick og Wayne Rooney fyrrum samherjar Brown eru sagðir hafa rétt honum hjálparhönd og afslátturinn af leigunni kemur sér vel.
Brown þénaði lengi vel því sem nemur 8,5 milljónum íslenskra króna á viku Old Trafford. Nú hefur hann hins vegar verið úrskurðaður gjaldþrota fyrir rétti.
Brown lék alls 362 leiki fyrir United og náði frábærum árangri. Kappinn er með fimm Englandsmeistaratitla, tvo Evrópumeistaratitla, tvo bikarmeistaratitla og tvo deildarbikarmeistaratitla á bakinu.
Brown gekk í gegnum skilnað á síðasta ári við eiginkonu sína og fór illa út úr fasteignaverkefnum.
