Það var gríðarleg gleði á Ewood Park í Blackburn í gær þegar Burnley tryggði sér sigur í Championship deildinni. Svo mikil var gleðin að Bailey Peacock-Farrell markvörður Burnley notaði afturendann á Connor Roberts sem bongótrommu.
Nokkuð er síðan að Burnley tryggði sér farmiða upp í ensku úrvalsdeildina á næstu leiktíð. Með sigri á Blackurn í gær tryggði Burnley sér hins vegar efsta sætið endanlega en allt stefnir í að Sheffield United fylgi liðinu upp um deild.
Jóhann Berg spilaði tæpan klukkutíma í kvöld en Manuel Benson skoraði eina mark leiksins fyrir Burnley.
Sigurinn var afar sætur fyrir stuðningsmenn Burnley en Blackburn eru erkifjendur félagsins, að tryggja sér sigur í deildinni á Ewood Park var því afar sætt fyrir félagið.
