Thomas Tuchel var um helgina ráðinn þjálfari FC Bayern en þýski stjórinn gerði tveggja og hálfs árs samning við félagið.
Sky í Þýskalandi fjallar í dag um samning Tuchel en hann fær 10,5 milljónir punda í árslaun hjá Bayern.
Það er talsvert miklu meira en Julian Nagelsmann fékk hjá Bayern en hann var með 6,2 milljónir punda á ári.
Tuchel er þrátt fyrir það að taka á sig verulega launalækkun en hann var með 13 milljónir punda á ári sem stjóri Chelsea.
Tuchel var rekinn frá Chelsea síðasta haust en honum er ætlað að koma Bayern á rétta braut í deildinni heima fyrir og koma liðinu áfram gegn Manchester City í Meistaradeildinni.
