Það er óljóst hvað verður um James Milner í sumar. Samningur hans við Liverpool rennur þá út.
Samkvæmt The Athletic hefur Jurgen Klopp áhuga á að halda hinum 37 ára gamla Milner hjá sér. Hins vegar hefur félagið ekki enn hafið samningsviðræður við kappann og er alls ekki víst að það verði yfirhöfuð gert.
Milner hefur spilað 321 leik fyrir Liverpool frá því hann kom frá Manchester City 2015. Hann hefur þjónað liðinu vel en margir stuðningsmenn eru þó sáttir við að félagið hafi ekki enn hafið viðræður við hann og eru til í að losna við hann.
„Það væri skelfileg ákvörðun að halda honum. Það væri bara leið til að sleppa því að kaupa þriðja miðjumanninn,“ skrifar einn stuðningsmaður.
„Þetta er 2-3 árum of seint en ég er ánægður með að einhver segi nei við Klopp,“ skrifar annar.
Margir eru sammála um að tími Milner hafi verið kominn fyrir þó nokkru síðan.
„Jurgen, láttu hann fara. Við elskum hann öll en hann verður 38 ára á næsta ári.“
„Leyfðu honum að fara. Þú hefur leyft honum að vera fjórum árum of lengi.“
