Brendan Rodgers, stjóri Leicester, ætlar ekki að grátbiðja miðjumanninn James Maddison um að vera áfram hjá félaginu.
Maddison er einn allra miklvægasti leikmaður Leicester en hann verður samningslaus á næsta ári.
Stærri lið eru talin vera að horfa til enska landsliðsmannsins og er góður möguleiki á að hann færi sig um set í sumar.
,,Þetta eru viðræður sem hafa verið í gangi í dágóðan tíma. Fyrir mér snýst þetta um að sjá til þess að James sé að spila eins vel og hann getur. Hann er alltaf til taks og er í standi,“ sagði Rodgers.
,,Þaðð væri frábært ef hann framlengir, hann er toppleikmaður í þessari deild og hefur margsannað það. Þú getur séð hvernig hann hefur bætt sig.“
,,Ég ætla hins vegar ekki að grátbiðja leikmann um að vera hér áfram. Þeir fá frábæran stuðning hér og skilja hvernig félagið virkar.“
