Víkingur R. og Fram mætast í úrslitaleik Reykjavíkurmóts meistaraflokks karla.
Leikurinn fer fram fimmtudaginn 2. febrúar á Víkingsvelli og hefst hann kl. 19:00.
Víkingur R. vann ÍR og Fylki, en tapaði fyrir KR í sínum riðli á meðan Fram vann Leikni R. og Fjölni, en gerði jafntefli við Val.
Athygli er vakin á því að ef jafnt verður eftir venjulegan leiktíma í leiknum þá verður strax gripið til vítaspyrnukeppni til að knýja fram úrslit.
