Chelsea hefur mikinn áhuga á Wesley Fofana, miðverði Leicester.
Lundúnafélagið er nú sagt tilbúið að gera hann að dýrasta varnarmanni sögunnar. Bæði Daily Mail og The Sun segja frá þessu.
Harry Maguire er dýrasti varnarmaður sögunnar eins og er. Hann fór einmitt frá Leicester til Manchester United fyrir 80 milljónir punda sumarið 2019.
60 milljóna punda tilboði Chelsea í Fofana var hafnað á dögunum. Félagið er til í að bjóða yfir 80 milljónir punda í hann nú.
Í gær var sagt frá því á CBS að leikmaðurinn vilji fara. Hann skrifaði hins vegar undir nýjan samning í mars. Er hann skrifaði undir samninginn var honum tjáð að Leicester myndi hlusta á sanngjörn tilboð í leikmanninn sumarið 2023.
Það er þó spurning hvað verður ef Chelsea býður stjarnfræðilegar upphæðir í Fofana.
Chelsea missti miðverðina Andreas Christensen og Antonio Rudiger til Barcelona og Real Madrid fyrr í sumar. Kalidou Koulibaly er kominn frá Napoli en vill félag einn miðvörð til viðbótar.