Óskar Örn Hauksson kom til Stjörnunnar frá KR fyrir þetta tímabil í Bestu deildinni.
Með KR hafði Óskar verið einn besti leikmaður efstu deildar undanfarin ár.
Óskar hefur spilað þrettán leiki í Bestu deildinni á þessari leiktíð og skorað í þeim eitt mark.
Er Óskar var hjá KR lék hann úti á kanti. Með Stjörnunni hefur hann hins vegar verið mun meira inni á miðju.
Grínistinn Auðunn Blöndal er svili Óskars og skýtur á Stjörnuna fyrir að spila honum ekki í sinni stöðu.
„Óskar Örn Hauksson sem er líklegast besti kantmaður í sögu efstu deildar á Íslandi hefur ekki fengið eina mínútu í þeirri stöðu síðan hann mætti í Garðabæinn í nóvember,“ skrifar Auðunn á Twitter.
Stjarnan er í fjórða sæti deildarinnar með 25 stig.
Óskar Örn Hauksson sem er líklegast besti kantmaður í sögu efstu deildar á Íslandi hefur ekki fengið eina mínútu í þeirri stöðu síðan hann mætti í Garðabæinn í nóvember 🙈🙈
— Auðunn Blöndal (@Auddib) August 4, 2022