Christian Pulisic er óvænt orðaður við Manchester United þessa stundina.

Rauðu djöflarnir hafa áhuga á að fá Bandaríkjamanninn á láni frá Chelsea út þessa leiktíð.

Pulisic gekk í raðir Chelsea frá Borrusia Dortmund árið 2019 fyrir 58 milljónir punda.

Málið vandast fyrir United þar sem Chelsea vill helst selja leikmanninn, fyrir upphæð sem er ekki lægri en sú sem félagið keypti hann á. Mirror segir frá þessu.

Það eru afar slæmar fréttir fyrir United, sem vill helst fá leikmanninn á láni, án þess að skuldbinda sig.

United hefur farið skelfilega af stað á þessari leiktíð í ensku úrvalsdeildinni og bráðvantar liðsstyrk.

Liðið tapaði síðasta leik gegn Brentford, 4-0. Helgina þar áður hafði United tapaði 1-2 gegn Brighton á heimavelli.

Enski boltinn á 433 er í boði