Karim Benzema, leikmaður Real Madrid, viðurkennir að hann hafi sýnt meiri metnað hjá félaginu síðan Cristiano Ronaldo yfirgaf félagið.
Ronaldo var lengi aðal vopn Real í sókninni og skoraði alltaf flest mörk liðsins á hverju tímabili.
Benzema var meira í því að aðstoða Ronaldo frammi frekar en að stela senunni sjálfur en það hefur nú breyst.
Frakkinn hefur undanfarin ár verið frábær í fremstu línu Real og skoraði 44 mörk í 46 leikjum á síðustu leiktíð.
,,Það er rétt að ég hef skorað fleiri mörk síðan hann fór en þegar hann var hér þá var ég meira í að leggja upp mörk og hann hjálpaði mér mikið utan vallar,“ sagði Benzema.
,,Ég vissi hins vegar að ég gæti gert mun meira. Þegar hann fór var rétti tíminn til að breyta mínum áformum og mínum metnað og hingað til hefur það gengið vel.“