29 ára gamall leikmaður í ensku úrvalsdeildinni hefur verið handtekinn vegna gruns um nauðgun. Ensk blöð sögðu frá í gær.
Það kemur fram í frétt Telegraph að leikmaðurinn hafi verið handtekinn á heimili sínu í Barnet í Lundúnum.
Sagt er að leikmaðurinn sé í Norður-Lundúnum en af lagalegum ástæðum má ekki segja hver maðurinn er.
Ensk blöð fara nánar ofan í málið í dag en þar segir að handtakan hafi farið fram á heimili hans klukkan 03:00 í gær. Leikmaðurinn var vakinn af fjölda lögreglumanna. Sex lögreglubílar mættu á heimili hans eftir að konan gaf formlega skýrslutöku.
Kona sakar hann um að hafa nauðgað sér í sumarfríi en hún mætti með myndir af áverkum til lögreglu. Hún segir hafa flúið fimm stjörnu hótelið þar sem maðurinn dvaldi.
„Þessi alþjóðlega stjarna er einn af bestu leikmönnunum í sínu liði í úrvalsdeildinni,“ segir í fréttum.
Leikmaðurinn á að vera að fara á Heimsmeistaramótið í fótbolta en meint kynferðisbrot kemur mögulega í veg fyrir það.