Það er vilji sóknarmannsins Raphinha að ganga í raðir Barcelona frekar en Chelsea en bæði lið hafa mikinn áhuga.
Chelsea hefur fengið tilboð sitt í leikmanninn samþykkt af Leeds og hljóðaði það upp á 60 milljónir punda.
Fabrizio Romano segir að Raphinha vonist eftir því að komast til Barcelona og gera fimm ára samning þar.
Barcelona hefur boðið 50 milljónir evra plús tíu milljónir sem gætu bæst við í leikmanninn sem er lægri upphæð en sú sem Chelsea bauð.
Leeds hefur enn aðeins tekið tilboði Chelsea en Raphinha hefur ekki gefið enska stórliðinu svar enn sem komið er.
Hann er ákveðinn í því að komast til Spánar ef það reynist möguleiki og mun reyna að tefja skiptin á meðan hann getur.
