Eiður Smári Guðjohnsen nýtur þjálfarastarfsins í botn. Hann tók við sem þjálfari karlaliðs FH á dögunum. Honum leiðist þó umræðan utan vallar oft á tíðum.
Það hefur lítið gengið upp hjá FH á þessari leiktíð. Eiður tók við liðinu af Ólafi Jóhannessyni, sem var látinn fara í síðasta mánuði. FH er nú í níunda sæti Bestu deildarinnar með elleftu stig, stigi á undan fallsæti.
„Mér finnst það æðislegt. Ég elska að vera úti á vellli,“ sagði Eiður í Blökastinu, spurður út í þjálfarastarfið.
Eiður hefur þó ekki gaman að öllum hliðum fótboltans. „Ég hata allt bullshittið í kringum þetta. Allir hafa skoðanir.“
Eiður Smári átti glæstan feril sem leikmaður. Hann vann Meistaradeild Evrópu með Barcelona og ensku úrvalsdeildina með Chelsea, svo eitthvað sé nefnt. Hann er ánægður með að geta haldið áfram að starfa í fótboltaheiminum.
„Maður vill alltaf vera tengdur fótbolta. Fótbolti hefur verið líf mitt og verður það alltaf. Svo þegar maður fékk smjörþefinn af því að vera úti á velli, sérstaklega að kenna ungum drengjum og gefa eitthvað af sér, eins langt og það nær, þá fannst mér þetta skemmtilegra og skemmtilegra.“
