Allt er klappað og klárt og aðeins á eftir að skrifa undir þegar kemur að vistaskiptum Richarlison frá Everton til Tottenham.
Kaupverðið verður í kringum 60 milljónir punda þegar allt kemur til alls. Verður Richarlison næst dýrasti leikmaður í sögu félagsins.
Richarlison hefur átt góð ár hjá Everton en áður lék hann með Watford. Everton verður að selja til að rétta við mikinn taprekstur undanfarið.
Richarlison er 25 ára gamall en hann hefur leikið 36 A-landsleiki fyrir Brasilíu.
Aðeins Tanguy Ndombele hefur kostað Tottenham meira en hann hefur ekkert getað og er nú á láni hjá Lyon.
