Yfir 20 þúsund manns hafa skrifað undir lista sem mótmælir nýjum stuðningsaðila Everton, Stake, sem mun sjást á treyjum félagsins næsta vetur.
Everton skrifaði undir samning við Stake í sumar en um er að ræða veðmálafyrirtæki sem er ástæðan fyrir því að margir eru ósáttir.
Þetta er ekki í fyrsta sinn sem Everton fær gagnrýni fyrir val á styrktaraðila en félagið var áður í samstarfi við Chang sem er bjórframleiðandi frá Asíu. Chang sást á búningum Everton í heil 13 ár.
,,Þið eruð að selja sál klúbbsins,“ segir einn stuðningsmaður Everton en yfir 20 þúsund manns hafa mótmælt þessum samningi Stake og Everton.
Þetta er stærsti samningur sem Everton hefur gert frá upphafi og mun félagið þéna 370 milljónir punda yfir þrjú tímabil.
Veðmálafíkn er mikið vandamál á Englandi og á Bretlandsleyjum og er það augljós ástæða fyrir því að margir taka ekki vel í þennan samning.
Afar litlar líkur eru á því að þessi mótmæli muni skila árangri en einhverjir hafa nú þegar reynt að setja sig í samband við enska knattspyrnusambandið og breska ríkið vegna málsins.