Víkingur Reykjavík mun mæta Malmö í fyrstu umferð forkeppni Meistaradeildar Evrópu takist liðinu að sigra 4-liða keppni um sæti í forkeppninni.
Liðið mætir Levadia Tallin í undanúrslitum umspilsins um sæti í fyrstu umferðinni þann 21. júní. Sigurvegarinn mætir svo La Fiorita eða Inter Club d’Escaldes í úrslitaleiknum þremur dögum síðar.
Leikið verður í Víkinni.
Fyrri leikirnir í fyrstu umferðinni fara svo fram 5. og 6. júlí og þeir síðari 12. og þrettánda júlí.
Milos Milojevic er þjálfari Malmö. Hann þjálfaði áður Víkinga.
Klukkan 11 verður svo dregið í fyrstu umferð Sambandsdeildarinnar. Þar verða Breiðablik og KR í pottinum. Við færum ykkur fréttir af þeim drætti þegar þær berast.