Sky Sports í Þýskalandi segir frá því að Manchester United sé með virkt samtal við umboðsmann Christopher Nkunku hjá RB Leipzig.
Þar segir einnig að búist sé við að Manchester United leggi fram tilboð í þennan 24 ára gamla leikmann í næstu viku.
Nkunku er franskur landsliðsmaður en hann ólst upp hjá PSG en hélt þaðan til Þýskalands þar sem hann hefur blómstrað.
Nkunku er sóknarmaður en Erik ten Hag fær það verkefni að búa til nýtt lið hjá Manchester United.
Nkunku er einnig á lista hjá Chelsea en Manchester United gæti látið til skara skríða strax í næstu viku. Talið er að Leipzig vilji 60 milljónir punda fyrir hann.