Guðmundur Magnússon sóknarmaður Fram hefur beðist afsökunar á því að hafa skemmt auglýsingaskilti á Kópavogsvelli á sunnudag.
Fjallað var um málið á 433.is en í útsendingu og eftir leiki Fram og Breiðabliks má sjá hvernig auglýsingaskilti í Kópavogi er skemmt eftir spark frá Guðmundi.
„Hann hringdi um leið og frétt um málið birtist og málið er leyst af okkar hálfu, Við förum yfir þessi mál. Hann baðst afsökunar og iðrast þess að hafa gert þetta í hita leiksins, Guðmundur er heiðursmaður,“ segir Eysteinn Pétur Lárusson framkvæmdarstjóri Breiðabliks.
Meira:
Skemmdarverk Guðmundar í Kópavogi sáust greinilega í gær – Sjáðu þegar Guðmundur reiddist
Guðmundur sem hafði skorað í leiknum varð ansi reiður þegar Höskuldur Gunnlaugsson skoraði þriðja mark Blika í leiknum og kom liðinu í 3-2. Blikar unnu að lokum 4-3 sigur í fjörugum leik.
Eftir markið hljóp Guðmundur að skiltinu og sparkaði í það af öllu afli svo nú er stór blettur á skiltinu þar sem auglýsingarnar rúlla í gegn.