Rakarinn Ahmed Alsanawi er með nokkrar af skærustu stjörnum knattspyrnuheimsins í viðskiptum við sig. Hann ferðast um heiminn, þjónustar þær og fær fyrir ríkuleg laun.
Meðal þeirra sem leita reglulega til Ahmeds eru Jack Grealish leikmaður Manchester City, Eden Hazard leikmaður Real Madrid, Kylian Mbappé leikmaður og stjórnandi hjá Paris Saint-Germain sem og Paul Pogba leikmaður Manchester United.
Ahmed opnaði á sínum tíma rakarastofuna A Star Barbers Shop í Chessington nálægt æfingasvæði Chelsea. Nokkrir af yngri leikmönnum Chelsea gerðu sér reglulega ferðir til hans og síðan þá hefur orðspor hans spurst út.
,,Upphaflega komu yngri leikmenn Chelsea til mín. Leikmenn á borð við Reece James, Dominic Solanke og fleiri. Síðan fékk ég símtal frá John Terry einn dagnin og hann bað mig um að koma á æfingasvæði Chelsea. Ég endaði á að klippa leikmenn Chelsea í rúm þrjú ár. Ég klippti meðal annars José Mourinho daginn sem hann var rekinn frá félaginu.“
Rakarinn hefur meðal annars tekið að sér verkefni fyrir franska landsliðið en á HM 2018 í Rússlandi var honum flogið til Rússlands í þeim tilgangi að klippa leikmenn franska landsliðsins.
Ahmed sló hins vegar almennilega í gegn þegar að handbragð hans sást á hári Jack Grealish, leikmanni Manchester City. ,,Það vilja allir herma eftir hárgreiðslunni hans,“ segir Ahmed í samtali við The Sun. ,,Meira að segja sonur minn kemur til mín og segist vilja vera með eins hárgreiðslu og Grealish.“
View this post on Instagram