fbpx
Mánudagur 04.júlí 2022
433Sport

Draumaferðin í uppnámi – ,,Líður eins og versta pabba í heimi“

Aron Guðmundsson
Þriðjudaginn 17. maí 2022 09:00

Ekki missa af Helstu tíðindum dagsins í pósthólfið þitt

Lesa nánar

Robert Chapman, stuðningsmaður skoska knattspyrnufélagsins Rangers, hafði hugsað sér að fara í draumaferðina með yngri bróður sínum og fjögurra ára gömlum syni sínum á úrslitaleik Frankfurt og Rangers í Evrópudeildinni sem fer fram í Seville á Spáni á morgun. Hann var búinn að verða sér úti um miða á völlinn en vandamál í tengslum við vegabréf hans hafa komið upp og nú segist hann upplifa sig sem versta pabba í heimi.

Leikurinn fer fram á morgun en Robert hefur nú áttað sig á því að vegabréf hans er útrunnið og því er hann í kapphlaupi við tímann um að ná leiknum. Hann hafði fengið tölvupóst á föstudaginn þar sem honum var tjáð að hann hefði fengið úthlutað miða á úrslitaleikinn. Robert fór með þessar gleðifréttir til sonar síns og einnig til yngri bróður síns sem eru harðir stuðningsmenn Rangers en stuttu seinna var hann dreginn aftur niður á jörðina.

Robert hafði ekkert þurft á vegabréfi sínu að halda í gegnum Covid-19 heimsfaraldurinn og því hafði hann lítið spáð í því hvenær það myndi renna út. Það er runnið út en Robert er nú að berjast við að fá forgangstíma á síðustu stundu hjá vegabréfaskrifstofu hvar sem er í Bretlandi í því skyni að geta ferðast til Spánar.

,,Ég er að fara byrja í nýrri vinnu undir lok mánaðarins þannig að þetta er í fyrsta skipti í rúm 12 ár sem ég er með þrjár lausar vikur, ég hef allan tímann í heiminum. Ég er kominn með miða á það sem gæti verið stærsti leikur ævi minnar en með útrunnið vegabréf og líður eins og heimskustu manneskju í heimi,“ segir Robert í frétt sem birtist á Mirror.

,,Fyrir mér og fjölskyldu minni er knattspyrna lífið sjálft. Yngri bróðir minn er 15 ára og ég hef tekið hann með mér á heimavöll Rangers síðan að hann ar tveggja ára…Mér líður eins og versta pabba í heimi vegna þess að vegabréfið mitt er útrunnið.“

Hann segist ætla reyna með öllum mögulegum leiðum að koma yngri bróður sínum til Seville. ,,Þó svo að ég og sonur minn komumst mögulega ekki, ef ég gæti fundið leið til þess að koma bróður mínum á leikinn, þá myndi það skipta mig öllu máli.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 13 klukkutímum

Vill miklu frekar fara til Barcelona og bíður eftir spænska liðinu

Vill miklu frekar fara til Barcelona og bíður eftir spænska liðinu
433Sport
Fyrir 13 klukkutímum

Ronaldo gerði nákvæmlega það sem Carragher bjóst við

Ronaldo gerði nákvæmlega það sem Carragher bjóst við
433Sport
Fyrir 16 klukkutímum

Tvær ástæður fyrir því að Ronaldo vill yfirgefa Man Utd

Tvær ástæður fyrir því að Ronaldo vill yfirgefa Man Utd
433Sport
Fyrir 17 klukkutímum

Leikmaður Liverpool að kaupa hús Sterling sem er á leið til London

Leikmaður Liverpool að kaupa hús Sterling sem er á leið til London
433Sport
Í gær

2. deild: Víkingar töpuðu heima – Njarðvík enn án taps

2. deild: Víkingar töpuðu heima – Njarðvík enn án taps
433Sport
Í gær

Launahæstu leikmenn allra liða í ensku úrvalsdeildinni – Fær yfir 500 þúsund pund á viku

Launahæstu leikmenn allra liða í ensku úrvalsdeildinni – Fær yfir 500 þúsund pund á viku